محمد محمود عبد العزيز وأبيه .. قصة وفاء نادرة وإنتظار لموعد اللقاء

المستقلة/ منى شعلان/ «رحلت روحى، وبقيت أنا، بدون روح»، بهذه الكلمات المؤثرة، عبر الفنان والمنتج محمد محمود عبد العزيز ، نجل الفنان الراحل محمود عبد العزيز ، عن حالة الحزن الشديد التي يعيشها منذ رحيل «الساحر» قبل 3 أعوام، مقدمًا رسالة حب ووفاء عبر حديثه الذى لاينقطع عن والده.

ولا يتوقف الابن الأكبر للفنان الراحل، أبدًا عن رثاء والده بكلمات تدغدغ المشاعر، والتي تدل على فقدانه الشديد له، فلم يفوت فرصة أو ذكرى للتعبير عن حبه الكبير لـ«رأفت الهجان»، متخذًا حسابه على موقع الصور والفيديوهات إنستغرام ، وسيلة يعبر من خلاله عما بداخله.

فعلى مدار 3 سنوات منذ رحيل النجم محمود عبد العزيز ، إمتلئ حساب نجله بكثير من الصور التى تجمعهما سويا ، مصحوبة بعبارات ورسائل خاصة موجهة للنجم الراحل ، ومن بين رسائله ، وفى بداية عام 2020 ، نشر صورة لهما وعلق قائلا :” أول صوره فى 2020 ، عاده ربنا مايقطعها، كل سنه وحضرتك طيب و بخير و سعيد و فى مكان احسن من اللى احنا فيه بكتير ادفع عمرى كله و ارجع لأى لحظه من اللى كنا متجمعين فيها و أسند على حضرتك برضه، مع إن اقسم بالله العظيم مازلت ساند على حضرتك يا احن و اغلى و اطيب اب فى الدنيا.

وبمناسبة حلول شهر رمضان الماضى ، بعث له رسالة ، قائلا :”كل سنه و حضرتك طيب و بخير يا ابويا و صاحبى و اخويا و كل ما ليا، اتمنى تكون هدايايا بتوصل لحضرتك و اتمنى انى اكون مشرفك و ربنا يقدرنى و افضل مشرف حضرتك لحد ما ربنا سبحانه و تعالى يجمعنا ببعض على خير و زى السنه اللى فاتت و طول مانا لسه على وش الارض عايز اهدى لحضرتك كل حاجه بعملها سواء انتاج او تمثيل او اى حاجه كويسه بعملها و تبسطك او اى خير بعمله زى ما علمتنى و برضه بهدى لحضرتك صيامى و كل ركعه و كل حرف هقرأه من المصحف الشريف، ربنا يتقبل منى و يقدرنى و ابقى ربعك فى اى حاجه.

كما هنأ نجل النجم الراحل ،  بعيد ميلاده ، قائلا :”٤ -٦-١٩٤٦ هو يوم عيد ميلاد حضرتك، تاريخ محفور جوايا و هفضل دايما اول واحد يقول لحضرتك طول ما انا لسه عايش و لحد ماجى لحضرتك ان شاء الله، كل سنه و حضرتك طيب و بخير يا حاج، ربنا يجمعنا ان شاء الله على خير فى عالم مافيهوش لا فراق ولا وجع تانى ان شاء الله ، هتفضل ضهرى و سندى و ابويا و ابنى و اخويا و تاج على راسى مهما كانت المسافات اللى بيننا.يا رب أكون عند حسن ظن حضرتك و يا رب اكون مشرفك و تكون راضى عنى و اتمنى ان هديتى بتاعة السنادى تكون وصلت لحضرتك و تكون عجبتك و فرحتك.

و دائما يتفاعل الجمهور ، مع ماينشره الفنان محمد محمود عبد العزيز ، والبعض يرسل له صورا تجمعه بوالده الراحل ليتضح الشبه بينهما .

يذكر أن الفنان محمود عبد العزيز ، قد رحل عن عالمنا فى 12 نوفمبر 2016 ، بعد صراع مع المرض ، ليدفن بمسقط رأسه بمقابر العائلة بمحافظة الأسكندرية.

https://www.instagram.com/p/BmusD3lhrSR/?igshid=12jh4p8fgn7fw

التعليقات مغلقة.