رسالة نارية من عمر كمال إلى الساخرين من شكله قبل الشهرة

المستقلة/ منى شعلان/ نشر مطرب المهرجانات المصرى عمر كمال ، صورة له قبل الشهرة ، يتضح من خلالها تغير شكله تماماً مما هو عليه الآن ، وذلك عبر حسابه على موقع التواصل الاجتماعي فيس بوك.

ووجه كمال ، رسالة إلى الساخرين من صورته ، وخاصة بعد نشره صورة تجمعه بوالدته ، وتعرض لبعض الإنتقادات والسخرية ، وكتبت فى منشورًا له قائلاً: “كل ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند ألاقي ناس كتيرة حطالي صورتى اللي على اليمين في الكومنتات من باب السخرية.. حتى الصورة اللي منزلها لوالدتي وبعبر عن حبي ليها عشان عيد ميلادها منزلين الصورة من باب السخرية.

وتابع:” فعايز أرد عليهم وأقولهم والله الحمد لله على شكلي في جميع مراحل حياتي ودي حاجة أنا مش بتكسف منها و ادينى نزلت الصورة اهو للناس ف بوست عشان تشوفها ومش مكسوف .. والصورة اللي على اليمين دي لإنسان كان معندوش رفاهية إنه يروح للدكتور يتابع معاه رچيم أو يروح للچيم أو حتى عنده وقت يفكر في شكله.. إنسان كان كل همه يشوف السرير بعد يومه الطويل عشان يصحى ليوم تاني أصعب.. مش مهم كنت إيه المهم بقيت إيه”؟.

وأضاف : ” اشتغلت على نفسي وبكرم وفضل ربنا اشتغلت الحاجة اللي بحبها .. وركبت العربية اللي بحلم بيها.. وكونت نفسي.. وعملت وضع واسم لنفسي .. وربنا جعلني سبب في إنى شايل مسئولية ناس وفاتح بيوت ناس كتير من غير جنيه من بابي ومامي ولا مساعدة حد غير ربنا ثم دراعي.. أشك لو إنت إنسان عندك حاجة مفيدة في حياتك تعملها او عندك هدف في حياتك إن يبقى عندك وقت تدور على صور حد وتسخر منه.. صدقني الحياة مفيهاش وقت تضيعه في الكلام ده شوف حاجة أفيد واعملها”.

وفى سياق آخر ، انتهى المطرب عمر كمال من تسجيل وتصوير كليب أغنيته الجديدة “غالي غالي” ، وهى أول أغنية باللهجة العراقية ، ويشاركه الغناء فيها النجم العراقى نور الزين.

التعليقات مغلقة.