فيديو.. زينة تكشف سبب عدم زواجها مرة أخرى

المستقلة/ منى شعلان/ كشفت الفنانة المصرية زينة ، موقفها من الزواج والرجال، خاصة بعد أزمتها الأخيرة مع الفنان أحمد عز، وقالت: “مشاعري ماتت اتجاه الرجل، والموضوع مش شاغل دماغي، ولكن أنا تمام أوي”.

تابعت خلال مداخلة هاتفية مع برنامج “ET بالعربي”: “هو مكرهنيش في الرجالة، ما أنا إخواتي وولادي هيبقوا رجالة، بس بقيت بشوفهم بشكل تاني، والحب مش موجود، وأنا إنسانة متعودتش أفشل، وفشلت خارج إرادتي، فالفشل خلاني محبتش أعيد التجربة تاني خالص”.

أضافت: “مش بستسلم للفشل نهائي، بس أنا متعودتش أفشل، ولما فشلت قررت إني منفعش في الحتة دي فخلاص، حتى لو أنا غلطت، ولكن أكيد ممكن ألاقي مليون حد يحبني”.

وعن الأشياء التي قررت أن تتجاوزها في العام الجديد، قالت: “هحاول أبطل أخاف وأتعايش، لإني مش قادرة اتعايش، وهلم ايدي شوية، وأنا بصرف كل اللي بيجيلي، ودلوقتي بقيت واحدة مسئولة، وقررت أجيب كشكول وأعمل نوتس وأكتب فيها الفلوس اللي عليا واللي معايا واللي هصرفها، وهمسك إيدي في ايه، وهعمل الكشكول ده من بداية السنة.

وعن تعاقد زينة على مشاريعها الفنية المقبلة، أوضحت أنها تعاقدت على فيلمين ومسلسل لكن أزمة فيروس كورونا أوقفت كل شئ والصحة أهم من العمل، كما أنها أثرت على الوضع المادي لها.

التعليقات مغلقة.