بعد تجديد حبسها بقضية”الفيرمونت”.. تروي تفاصيل صادمة عن علاقة ابنتها بطليقها

المستقلة/ منى شعلان / حذفت الفنانة نهى العمروسي ،منشورا لها عبر حسابها على موقع التواصل الاجتماعى فيس بوك، توضح خلاله حقيقة الفيديوهات المسربة لابنتها نازلى كريم ، المتهمة فى القضية الشهيرة ” فيرمونت” ، و علاقتها بطليقها أحد المتهمين فى القضية ذاتها.

ورغم حذفها للمنشور إلا أنه تم تداوله بشكل كبير عبر مواقع التواصل الاجتماعي ، وتواصلت ” المستقلة” مع الفنانة نهى العمروسى ، لمعرفة حقيقة المنشور المنسوب لها ، لتؤكد أن كل كلمة جاءت فى المنشور صحيحة، ورفضت التعليق على الأمر.

وقالت العمروسى خلال منشورها المحذوف : “الست ساعات جوزها بيرغمها إنها تعمل حاجات مش عايزاها ولا راضية عنها لكن بتعملها غصب عنها عشان ترضي جوزها خصوصا لو كانت بتحبه و تثق فيه ثقة عمياء وسنها الصغير ومش فاهمة الدنيا”.

وتابعت: “الفيديوهات المسربة لبنتي “نازلي” ينطبق عليها المثل دة، واللي صورها وصوته باين في واحد منهم بوضوح كان جوزها اللي هو واحد من المتهمين في جريمة الفيرمونت، الولد دة بنتي كانت بتحبه من وهم مع بعض في المدرسة وعلاقتهم استمرت 12 سنة لحد السنة اللي فاتت”.

وأضافت: “لما تمت 21 خدها واتجوزها من ورايا، مفيش بنت منحرفة هتفصل مع راجل واحد 12 سنة، اللي بيسرب الفيديوهات للصحفيين و لأرقام عشوائية عشان يفضح بنتي المسكينة فضلت 12 سنة مع واحد بيتزها وبيهددها وكانت مابتكلمش ولا بتقول لي ولا بتقول لحد”.

واوضحت: “سألتها خبيتي عليا ليه وايه اللي كان في دماغها ساعتها ردت وقالت لي: “أنا قلت أرضي وخلاص”، لكن مع السنين البنت كبرت وبقت ترفض إنها توافق علي حاجات مش راضية عنها هددها خصوصا آخر سنتين ورضخت لتهديداته وبعدين ثارت عليه وقررت ماتعملهاش تامي”.

واختتمت: “غطوا لحمي بنتي متظلموهاش دي بنت يتيمة من طفولتها واستفرد بيها واحد كان مدبر لها شر عشان كان بيقصد يصورها بعلمه من غير علمها.. اتقوا الله”.

وفى سياق متصل أمرت الجهات المختصة، اليوم الأربعاء، تجديد حبس نازلى كريم، ابنة الفنانة نهى العمروسى، لمدة 15 يومًا على ذمة التحقيقات ، فى اتهامها بقضية “فتاة فيرمونت”.

 

 

 

قد يعجبك ايضا

التعليقات مغلقة.