“هاخد حقي بالقانون”.. ريهام سعيد تقاضي ريم البارودي

المستقلة/ منى شعلان/ مازالت الأزمة بين الإعلامية ريهام سعيد، والفنانة المصرية ريم البارودي مشتعلة حتى هذه اللحظة، حيث أشارت ريهام في مقطع فيديو لها عبر حسابها على موقع التواصل الاجتماعي فيس بوك، أنها لن تتنازل عن حقها وسوف تلجئ للقضاء لتقاضي البارودي بعدما سبتها.

وقالت ريهام من خلال الفيديو:”فيه ناس خاضت في عرضي من غير سبب خالص، وفيه ناس كتير عاتبتني أني ليه أتنازل عن حقي”.

واستكملت حديثها أنها تتقرب من الله في هذه الفترة، وتتمنى أن يهديها الله للحجاب: “ولكن قررت أني مأذيش حد، وأنا أكيد مش محتاجة أعمل لقطة أنا مش بتاعة لقطات ومش بقعد أتمكيج 3 ساعات أنا بطلع بالبيجامة، والدنيا بالنسبة ليا ولا حاجة، وربنا إن شاء الله يرزقني بالحجاب”.

وأضافت ريهام أنها تنظر للحياة دون ضغينة أو تمني الأذى لأي شخص، قائلةً: “أنا ببص للحياة أنها أسهل من كدا بكتير، بس إيه كم الكره دا، وأنتي كل دا كنتي بتمثلي ليه، أنا عملتلك إيه، وازاي الكره دا والحقد دا والسواد، مضيفة:”
وبعد وقولت إنها مش قصدها وانتظرت أنها تكلمني وتقولي أسفة ، لاقيتها ردت بشتيمة وإهانة وأنا قدمت بلاغ”.

وتابعت ريهام: “واللي وصل لي إنه اتقال عني إني طالعة أعمل لقطة، والمحضر القديم قائم وأنا رايحة النيابة وهاخد حقي بالقانون، وأنتِ افتكرتيني هتنازل عن الفيديو اللي عملته في الأول خالص، وأنا كنت هتنازل عن البلاغ اللي قدمته عشان العيش والملح”.

وأكدت ريهام: “وأنا هاكمل في القضية الي أنتِ قولتي عليا بعمل كدا من أجل اللقطة، أنتِ قولتي عليا فاجرة قدام أهلي، ودا بعد ما دخلتي بيتي وبينا عيش وملح وأنا مدخلتش بيتك، وهاخد حقي بالقانون وعمري ما هتنازل وإحنا عندنا قضاء عادل”.

وأختتمت ريهام قائلةً: “والمرة اللى فاتت أنا ماكنتش عايزة أئذيكي، ولكن المرة دي أنا وكلت محامي كبير وأنا ست محترمة وليا اسمي والحياة أسهل من كدا بكتير”.

 

 

 

 

التعليقات مغلقة.