محمد هنيدي يروي قصة طريفة عن شنب أشرف عبد الباقي

المستقلة/ منى شعلان/ شارك الفنان الكوميدي محمد هنيدي جمهوره ومتابعيه ، صورة له برفقة الفنان أشرف عبد الباقى، من أحد الأعمال الفنية، وتحدث عن قصتها.

وروى هنيدي عبر صفحته الرسمية بموقع التواصل الاجتماعي “فيس بوك” ، قائلاً:”أهلًا.. عايز أحكيلكم عن الصورة دي، ومش كل اللي بتشوفه على السوشيال ميديا هو الحقيقة كلها، أشرف عشان يركب الميكاب المعقد ده والشنب ده، احتاج أكثر من 18 ساعة ميكاب”.

وتابع: “فقرر أنه يفضل بالشنب طول فترة التصوير وهي إسبوع كامل، ولما جيه ياكل لقى الشعر بيدخل في بقه، فقرر أنه يصوم 7 أيام متواصلة، طول فترة التصوير من غير مايشرب أو ياكل عشان ميبوظش الميكاب، على مدار سبع أيام أشرف ماكنش بياكل ولا بيشرب ولا بيشم، كأنه مصاب بالكورونا بعد الشر يعني”.

وعن ملابسه الغريبة قال: “أما الجلابية اللي انا لابسها دي فمورهاش أي قصة ولا أي معاناه، ولا هي ولا الطربوش”.

يذكر أن الفنان محمد هنيدي، ينتظر طرح فيلمه السينمائي الجديد “الإنس والنمس” الذي يعود من خلاله للسينما بعد غياب 4 سنوات، منذ آخر أفلامه “عنتر ابن ابن ابن ابن شداد”، في عام 2017.

فيلم “الإنس والنمس” يشاركه في بطولته الفنانة منه شلبي، صابرين، عمرو عبد الجليل، عارفه عبد الرسول، محمود حافظ، دنيا ماهر، وشريف الدسوقي، والفيلم تأليف كريم حسن بشير، إخراج شريف عرفة.

 

التعليقات مغلقة.