“كومبارس فاشلة” هجوم حاد على مها أحمد بسبب السقا وأمير كرارة

المستقلة/- منى شعلان/ هاجمت نجمين من زملائها في الوسط الفني دون ذكر أسمائهم، في منشور لها على “فيسبوك” ولكنه تبين بعد ذلك أنها كانت تقصد أحمد السقا وأمير كرارة.

وكتبت مها أحمد قائلة:” عوضي على الله دي الجملة اللي دايما بقولها لما انصدم فأشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا”.

أضافت: “النجم الأولاني بيني وبينه عيش وملح وزمالة، رشحت فمسلسل بطولته وكان بيقنعني بدور، ولما وافقت بعتولي دور تاني معرفوش دور متعملوش واحدة مبتدأة، المفروض إنه عارف قيمتي الفنية وعارف إني إضافة له، اتهرب مني وموقفش جنبي وباعني، رغم إن الكل عارف إني زي اخته (ندل)، أما التاني كان في بداياته يتمنى يسلم عليا ويقولي يا استاذة، نزلت من نفسي وقلتله مش هنشتغل مع بعض ما هي الحوجة مرة، رد وقالي الدور ينادي صاحبه، طبعا محكلكوش قد ايه ندمت نفسي وعشت أسود أيام حياتي عياط واكتئاب، وقلت عوضي عليك يارب”.

تابعت:“تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي، تمثيل الكفار وطلعوا كمان مبيقراش اللي بيمثلوه، وربنا يركب عليهم بنوتة سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتية للاستاذة)، يمهل ولا يهمل ابدوا من جديد يا أوفر تمثيل ياللي مبتقروش يا كمبارس جنب النجمة، نصيحه بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا، ( عوضنا على الله ) .يارب متحوجناش لحد حتى ولو كان أقرب الناس لينا”.

ليرد أمير كرارة في إحدى التعليقات على “فيسبوك” على ما ذكرته مها أحمد قائلا: “يا خالد انا عمري ما شوفتها اصلا ولله انا مجدي وخالد وصلاح كامل ناس محترمه دخلت بيتهم.. و وجمله الدور بينادي صاحبه دي اكيد معرفش بتتقال ازاي والله”.

وتابع أمير كرارة: “سبحان الله مع أنها كانت مبسوطة ومن له كتع كسح كسل ومتكلمتش غير بعد قرار محمد سامي لما نزل”.

كما ردت نادية السقا، والدة الفنان أحمد السقا، على الفنانة مها أحمد بعد هجومها على نجلها حيث كتبت نادية على حسابها الشخصي بموقع “فيس بوك”، “على الأصل دور، كومبارس فاشلة تتطاول وتسب فنانين كبار وتعلق فشلها عليهم، تبحث عن الشهرة بطريقة بذيئة مهما حاولتي يا كومبارس، ليس لك مكان بين الفنانين المحترمين، وإن طلع العيب من أهل العيب ما يبقاش عيب”.

 

التعليقات مغلقة.