حقيقة زواج رضوى الشربيني من زوج منى الشاذلي (فيديو)

المستقلة/ منى شعلان/ انتشرت أنباء خلال الساعات الأخيرة الماضية عن زواج الإعلامية المصرية رضوى الشربيني ، سرًا من السيد “سمير يوسف” الرئيس التنفيذي لمجموعة قنوات CBC وزوج الإعلامية منى الشاذلي.

و تداولت بعض المواقع الإخبارية تلك الشائعة بقوة ، وتسببت في صدمة كبيرة بين رواد السوشيال ميديا ، وخاصة أن الشربيني دائما تنادي بحقوق المرأة و تتعاطف معها ، ومن المعروف عنها رفضها لفكرة الزوجة الثانية ، فى حين أن أفعالها لا تتوافق مع حديثها.

ونفت الشربيني ، تلك الشائعة ، من خلال بث مباشر قامت بمشاركته عبر حسابها الشخصي على موقع التواصل الإجتماعي فيسبوك، مؤكدة أن ما تم تداوله من أنباء تتعلق بزواجها غير صحيح وليس إلا مجرد شائعات مغرضة الغرض منها تشويه اسمها في الوسط الإعلامي.

حيث قالت الشربيني : “أنا مش مرتبطة ولما ارتبط كل الناس في مصر هتعرف ، مش مصر بس ده الوطن العربي كله هيعرف، عشان أنا مش الست اللي بتعمل حاجة في الخفاء بحسب ما ذكرت بعض المواقع الإعلامية”.

وتابعت رضوى: “الجواز مش حرام ومش عيب، لكن أنا دلوقت مش مرتبطة خالص، بقول ده لأن في شخص مش محترم طلع عليا إشاعة مش محترمة.. لو أنت مبتحبنيش طلع اللي أنت عايزه مش هتكلم، لكن متضرش ناس تانية معايا، ليه تضر عيلة كاملة وراجل وست محترمة ملهاش ذنب، الناس دي إخواتي فعلا”.

واختتمت حديثها قائلة : “في ست تقبل إنها تتجوز راجل متجوز لكن أنا لا أقبل ده، مهما حصل، كل الناس يعرفوا هي مين رضوى الشربيني، وإن أنا نصيرة المرأة وبقول لكل ست ابعدي عن كل راجل متجوز، فأنا مش هكون أول ست تكسر قلب ست زيي .. أنا مش مرتبطة وبربي بناتي وبشوف شغلي ومشاكل الستات واللي بنقدر نحله بنحله، ولما اتجوز هعلن للدنيا كلها”.

التعليقات مغلقة.