الفنان صلاح عبدالله يوصي جمهوره بفعل هذا الأمر بعد وفاته

المستقلة/منى شعلان/ فاجأ الفنان المصري صلاح عبد الله، جمهوره ، بنشر قصيدة شعر يرثى خلالها نفسه، موصيا جمهوره بقراءتها مرة أخرى ، وقراءة الفاتحة على روحه بعد رحيله عن دنيانا.

ونشر عبد الله، القصيدة عبر حسابه بموقع “فيسبوك”، وعلق: “نثرية بالعامية المعمية.. مش عايزكوا تليّكوا ولا تعلقوا، عايزكوا بس تسيفوها، ولما ييجي اليوم المنظور، آخر تلات سطور، بعد الفاتحة احذفوها.

وجاء نص القصيدة كالآتي: “لما مت عملتوا إيه؟!، كان نفسي أشوفكم، بس ماقدرتش أشوف لأني مت، بس وحياة ميتينكوا، والكلام بيني وبينكوا لما مت زعلتوا عليا قد إيه؟، يوم.. يومين تلاتة بالكتير مش بلومكم، دا أنا عايزكوا تعيشوا يومكم، صدقوني يومين كتير كفايه يوم.. أو 1/2 يوم أو 1/4 يوم، أو ربع ساعة فقط لا غير مش مهم، المهم لما تشوفوا صورتي أو تيجي سيرتي.. تذكروني، تذكروني بكل خير، وحبذا لو كانت الذكرى بدموع، أو شحتفة أو حشرجة أو نهنهة”.

وأضاف : “قصدي خلوا الحالة تبدو إنها، حزن فاق كل الآفاق، في قلب من ألم الفراق موجوع، واوعوا تنسوا، اذكروا محاسن موتاكم ولو مفيش، ألفولي حبة محاسن واذكروها، واكتبوها على صورتي وشيروها، أو لما تيجي سيرتي اسكتوا، اسكتوا وغيروا الموضوع، غيروا الموضوع لأني، للأسف.. لسه حي، لسه بهرب م اللي فات، لسه خايف م اللي جاي”.

يشار إلى أنه تم تكريم الفنان صلاح عبد الله مؤخراً عن مجمل أعماله من مهرجان الإسكندرية السينمائي فى دورته الـ36 والتي انطلقت يوم 7 نوفمبر الجاري واختتمت يوم 12 نفس الشهر ، بحضور عدد كبير من الفنانين المصريين.

اقرأ المزيد

التعليقات مغلقة.